Auso do onger "Näbebi" fendsch no es paar Sätzli und Belder öber die Site woni uf d'Linie gstellt ha um allne beteiligte vo de jewilige Usflög, Usgange usw. mini Fotine chöne z'Präsentiere, natürlech si au aui angere Härzlech iglade zum do enne Umezschnöige.

Eg dänke du werschmi könne wenn die uf mire Site ufhautisch und sösch hani s'wechtigschte au no chorz ufglischtet, es esch be witem ned vollständig, das wär jo garned möglich. Aber das wenigschtens weisch welle komisch Mönsch en Heimsite uf Mundart schribt.

Wöui ebe gärn a vordeschter Front derbi be ond gärn mo öbis nätts för angeri uf d'Bei stöue verbrengi en grsse Teil vo mire Freizit förs LEVELXTRA, au die komisch aber tolli Groppierig söu churz erklärt si...

Blibt de no chli Zit, oder au zum wenigschtens e chli Fit z'blibe gang eg liebend gärn z'Bärg. Das aber ned öbe elei, nei met mim Velo...

Zuedäm beni jo no grad ar TS, go Zobe und am Samschtig chli id Schueu und stoh chorz vor der Diplomarbet, eg möcht en Solar-Tracker mache, was das esch und en Öberblick öber die Arbet wetti do au no chorz gä.